Небяспечныя рэчывы сустракаюцца ў нашым жыцці на кожным кроку. Дзякуючы ім розныя прадметы атрымліваюць спецыфічныя ўласцівасці: гнуткасць, вадаўстойлівасць, устойлівасць да бактэрый. Але выкарыстанне такіх рэчываў мае пабочны эфект. Яны могуць нанесці шкоду прыродзе і здароўю чалавека. Небяспечныя рэчывы прысутнічаюць у розных групах тавараў і нават там, дзе мы ніколі не чакаем іх знайсці. Гэта могуць быць прадметы асабістай гігіены, бытавыя сродкі для мыцця, цацкі для дзяцей, мэбля і многія іншыя вырабы, якімі мы карыстаемся кожны дзень. Наш сайт дапамагае спажыўцам пашырыць свае веды і выбіраць бяспечныя паўсядзённыя тавары.

У Іўі прайшоў семінар аб экалагічным кіраванні ва ўстановах адукацыі

27 лістапада 2018 на базе ДУА «Гімназіі №1 г. Іўя” адбыўся семінар па пытаннях экалагічнага кіравання ва ўстановах адукацыі. Эксперты распавялі настаўнікам Іўеўскага раёна аб рацыянальным выкарыстанні рэсурсаў і энергіі, а таксама аб небяспечных хімічных рэчывах у паўсядзённых таварах.

Як выкарыстанне шкодных рэчываў у бізнэсе можа быць зменшана?

23 і 24 кастрычніка 2018 года ў Рызе прадстаўнікі 17 еўрапейскіх краін абмяркуюць, якія механізмы найбольш эфектыўна дапамогуць прадпрыемствам скараціць выкарыстанне шкодных хімічных рэчываў у сваёй паўсядзённай дзейнасці.

“Уха-фэст” у Вілейцы стаў яшчэ больш экалагічным

14 ліпеня 2018 года ў Вілейцы прайшоў штогадовы фестываль “Уха-фэст 2018”. У гэтым годзе арганізатары мерапрыемства надалі асаблівую ўвагу экалагічным аспектам. Упершыню ў рамках фэста адбыўся велапарад, на ўсёй тэрыторыі быў арганізаваны раздзельны збор смецця, а калі вы прыйшлі са сваім кубкам, то маглі пачаставацца квасам дарма.